ന്യൂഡൽഹി > എസ്‌എഫ്‌ഐ ഡൽഹി സംസ്ഥാന പ്രസിഡന്റായി ജെഎൻയു വിദ്യാർഥി യൂണിയൻ അധ്യക്ഷ ഐഷി ഘോഷിനെയും സെക്രട്ടറിയായി മായങ്കിനെയും തെരഞ്ഞെടുത്തു. ഡൽഹി ഹർകിഷൻ സിങ്‌ സുർജിത് ഭവനിൽ രണ്ടു ദിവസമായി ചേർന്ന കൺവൻഷനാണ്‌ പുതിയ ഭാരവാഹികളെ തെരഞ്ഞെടുത്തത്‌. 35 അംഗ കമ്മിറ്റിയിൽ 10 മലയാളികളുണ്ട്‌. സൂരജ് ഇളമൺ, കെ എം അഖിൽ (ജോയിന്റ് സെക്രട്ടറിമാർ), നോയൽ ബെന്നി (വൈസ് പ്രസിഡന്റ്), അനിൽ സേതുമാധവൻ (സെക്രട്ടറിയറ്റ് അംഗം) എന്നിവരെ സഹ ഭാരവാഹികളായി തെരഞ്ഞെടുത്തു. എസ്‌എഫ്‌ഐ അഖിലേന്ത്യ പ്രസിഡന്റ് വി പി സാനു, മുൻ പ്രസിഡന്റ് ബിക്രംസിങ്‌ എന്നിവര്‍ കൺവൻഷനില്‍ പങ്കെടുത്തു.
