കൊച്ചി: ഇരുമ്പനം കടത്തുകടവു റോഡിൽ ദേശീയ പതാക മാലിന്യക്കൂമ്പാരത്തിൽ ഉപേക്ഷിച്ച നിലയിൽ. കോസ്റ്റ്ഗാർഡിന്റെ പതാകയും ലൈഫ് ജാക്കറ്റ്, റെയിൻകോട്ട് തുടങ്ങിയവയും ഉപേക്ഷിക്കപ്പെട്ട മാലിന്യക്കൂമ്പാരത്തിലുണ്ട്.
ചൊവ്വാഴ്ച രാവിലെയോടെയാണ് ഇവിടെ രണ്ടു ലോഡ് വരുന്ന മാലിന്യങ്ങൾ പൊതുസ്ഥലത്ത് ഉപേക്ഷിച്ച നിലയിൽ കണ്ടെത്തിയത്. ഇവ നശിപ്പിക്കുന്നതിനു ചുമതലപ്പെടുത്തിയ ആരെങ്കിലും ഉപേക്ഷിച്ചു കടന്നുകളഞ്ഞതാവാം എന്നു പ്രദേശവാസിയായ അബിൻ പറഞ്ഞു. വിവരം പൊലീസിൽ അറിയിച്ചിട്ടുണ്ട്.
