ബെംഗളൂരു: കര്ണാടകയിലെ തെരഞ്ഞെടുപ്പ് വിജയത്തിന് പിന്നാലെ ശക്തമായ സൈബര് ആക്രമണം നേരിടുന്നുവെന്ന പരാതിയുമായി കോണ്ഗ്രസിലെ യുവ എം എല് എ രംഗത്തെത്തി. മുദിഗെരെ മണ്ഡലത്തില് നിന്ന് ജയിച്ചുകയറിയ നയന ജാഹറിനെതിരെയാണ് സൈബര് ആക്രമണം ശക്തമായിരിക്കുന്നത്. ഇതിനെതിരെ രൂക്ഷമായി പ്രതികരിച്ചുകൊണ്ട് നയന രംഗത്തെത്തുകയും ചെയ്തു. പരാജയപ്പെട്ടവരുടെ മോഹഭംഗമാണ് ഇത്തരം സൈബര് ആക്രമണത്തിന് പിന്നിലെന്നും തന്നെ ഇതിലൂടെയൊന്നും തളര്ത്താനാകില്ലെന്നും അവര് വ്യക്തമാക്കി.
രാഷ്ട്രീയ പ്രവര്ത്തനവും സ്വകാര്യ ജീവിതവും എന്താണെന്ന് തിരിച്ചറിയാന് കഴിയാത്ത വിഡ്ഢികളായ കുറേപേരാണ് ഇതിന് പിന്നിലെന്നും വീഡിയോ പങ്കുവച്ചുകൊണ്ട് നയന ട്വിറ്ററില് കുറിച്ചു. ഇത്തരം സൈബര് ആക്രമണങ്ങളെ എങ്ങനെ നേരിടണമെന്ന് തനിക്കറിയാമെന്നും അവര് വ്യകതമാക്കി. നയന കര്ണാടക നിയമസഭയില് കോണ്ഗ്രസിന്റെ ഏറ്റവും പ്രായം കുറഞ്ഞ വനിതാ എം എല് എയാണ്.
