നടി ആലിയ ഭട്ടിന് പിന്നാലെ ഭർതൃമാതാവും നടിയുമായ നീതു കപൂറും മുംബൈ ബാന്ദ്ര കുർള കോംപ്ലക്സിൽ 17.40 കോടി രൂപയുടെ അപ്പാർട്മെന്റ് സ്വന്തമാക്കി. 3387 ചതുരശ്രയടിയാണ് അപ്പാർട്മെന്റിന്റെ വിസ്തീർണം. ബാന്ദ്ര വെസ്റ്റിൽ 37.80 കോടി രൂപയുടെ അപ്പാർട്മെന്റ് ഈയടുത്ത് ആലിയയുടെ നിർമാണക്കമ്പനി എറ്റേണൽ സൺഷൈൻ പ്രൊഡക്ഷൻ വാങ്ങിയിരുന്നു. അതേദിവസം തന്നെ 7.68 കോടിരൂപയുടെ അപ്പാർട്മെന്റ് സഹോദരി ഷഹീൻ മഹേഷ് ഭട്ടിന് ആലിയ സമ്മാനമായി നൽകുകയും ചെയ്തു.
