തിരുവനന്തപുരം> പത്രപ്രവര്‍ത്തന രംഗത്ത് ശ്രദ്ധേയമായ വ്യക്തിത്വം സ്ഥാപിച്ചെടുക്കാന്‍ കഴിഞ്ഞ മാധ്യമപ്രവര്‍ത്തകനായിരുന്നു സച്ചിദാനന്ദമൂര്‍ത്തി എന്ന് മുഖ്യമന്ത്രി പിണറായി വിജയന്‍. കേരളത്തിന്റെ പൊതുവായ പ്രശ്‌നങ്ങള്‍ മനസിലാക്കുന്നതിലും അതിനെ ദേശിയ തലത്തില്‍ വിലയിരുത്തുന്നതിലും അദ്ദേഹം പ്രത്യേക ശ്രദ്ധചെലുത്തി.
മലയാള മനോരമ, ദി വീക്ക് എന്നിവയുടെ ഡല്‍ഹി റസിഡന്റ് എഡിറ്റര്‍ എന്ന നിലയില്‍ പ്രവര്‍ത്തിച്ച സച്ചിദാനന്ദ മൂര്‍ത്തി കേരളീയനല്ലാഞ്ഞിട്ടും കേരളത്തെക്കുറിച്ചുള്ള വലിയ കരുതല്‍ സൂക്ഷിച്ചിരുന്നു. അത് എന്നും അദ്ദേഹത്തിന്റെ മാധ്യമപ്രവര്‍ത്തനത്തില്‍ പ്രതിഫലിച്ചു.
കേരളത്തിന്റെ രാഷ്ട്രീയ, സാമൂഹ്യ, സാംസ്‌കാരിക നേതാക്കളുമായി ദീര്‍ഘകാലത്തെ അടുപ്പമുണ്ടായിരുന്ന സച്ചിദാനന്ദമൂര്‍ത്തിയുടെ വിയോഗം കേരളത്തിനും ഇന്ത്യന്‍ മാധ്യമപ്രവര്‍ത്തന രംഗത്തിനും വലിയ നഷ്ടമാണെന്ന് മുഖ്യമന്ത്രി അനുശോചിച്ചു
