കണ്ണൂർ : വിവാഹ വാഗ്ദാനം നൽകി പീഡിപ്പിച്ച യുവാവിനെതിരെ പരാതി കൊടുത്ത് 8 മാസമായിട്ടും പോലീസ് നടപടി എടുക്കുന്നില്ലെന്ന് യുവതി. കുടിയാൻമല സ്വദേശിയായ യുവാവിനെതിരെ എടക്കാട് പോലീസിൽ 8 മാസം മുൻപ് പരാതി നൽകിയിരുന്നു. എന്നാൽ നീതി ലഭിച്ചില്ലെന്നാണ് യുവതിയുടെ ആരോപണം. യുവാവുമായി യുവതി പ്രണയത്തിലായിരുന്നുവെന്നു പറയുന്നു. വിവാഹം കഴിക്കാമെന്ന് വാഗ്ദാനം നൽകി പീഡിപ്പിച്ചുവെന്നും പിന്നീട് പിന്മാറിയെന്നുമാണു പരാതി. യുവാവ് തന്നെ വിവാഹം കഴിക്കാമെന്ന് പോലീസ് സ്റ്റേഷനിൽ എഴുതി ഒപ്പിട്ടതായി പറയുന്ന രേഖയും യുവതി പത്രസമ്മേളനത്തിൽ മാധ്യമങ്ങൾക്കു മുന്നിൽ പ്രദർശിപ്പിച്ചു.
