ഉത്തർപ്രദേശ് : പ്രമുഖ യൂട്യൂബറും ബിഗ് ബോസ് ജേതാവുമായ എല്വിഷ് യാദവിനെ നോയിഡ പോലീസ് അറസ്റ്റ് ചെയ്തു. റേവ് പാര്ട്ടികള്ക്ക് പാമ്പിന് വിഷം വിതരണം ചെയ്തെന്ന കേസിലാണ് അറസ്റ്റ്. ബിജെപി എംപി മേനകാ ഗാന്ധിയുടെ നേതൃത്വത്തിലുള്ള പീപ്പിള് ഫോര് ആനിമല് എന്ന സംഘടനയുടെ പരാതിയിലാണ് പോലീസ് നടപടി. ചോദ്യംചെയ്യാന് വിളിപ്പിച്ചശേഷമാണ് അറസ്റ്റ്. ബിജെപി എംപി മേനകാ ഗാന്ധിയുടെ നേതൃത്വത്തിലുള്ള പീപ്പിള് ഫോര് ആനിമല് എന്ന സംഘടനയുടെ പരാതിയിലാണ് പോലീസ് നടപടി. വന്യജീവി സംരക്ഷണ നിയമപ്രകാരമാണ് നടപടി. നോയിഡ സെക്ടര് 51ല് മൂന്ന് മാസങ്ങള്ക്ക് മുന്പ് പോലീസ് നടത്തിയ റെയ്ഡില് പാമ്പിന് വിഷം പിടികൂടിയിരുന്നു. വിദേശവിനോദ സഞ്ചാരികളെ ക്ഷണിച്ച് അവര്ക്ക് പാമ്പിന് വിഷം ലഹരിയായി കൊടുക്കുന്നതായിരുന്നു രീതി. കേസില് ഇതുവരെ അഞ്ചുപേര് അറസ്റ്റിലായിട്ടുണ്ട്. അഞ്ച് മൂര്ഖന് പാമ്പടക്കം ഒന്പത് പാമ്പുകളെ പിടികൂടി പിന്നീട് തുറന്നുവിട്ടിരുന്നു.
