കണ്ണൂർ: കോൺഗ്രസ് നേതാവ് പത്മജ വേണുഗോപാൽ കോൺഗ്രസ് വിട്ട് ബിജെപിയിൽ ചേരുന്നതിനെ വിമർശിച്ച് കോൺഗ്രസിലേയും സിപിഎമ്മിലേയും നേതാക്കൾ. കോൺഗ്രസ് നേതാക്കളായ ബിന്ദു കൃഷ്ണയും രാഹുൽ മാങ്കൂട്ടത്തിലും ജെബി മേത്തറും പത്മജയെ വിമർശിച്ച് രംഗത്തെത്തിയപ്പോൾ സിപിഎം സംസ്ഥാന സെക്രട്ടറി എംവി ഗോവിന്ദനും പത്മജക്കെതിരെ രംഗത്തെത്തി. അതിനിടെ, പത്മജയേയും സഹോദരനും കോൺഗ്രസ് നേതാവുമായ കെ മുരളീധരനേയും പരിഹസിച്ച് പി ജയരാജനും ഫേസ്ബുക്കിലെത്തി. പെങ്ങൾ പോയി കണ്ട് സെറ്റായാൽ പിന്നാലെ ആങ്ങളയും പോകുമെന്നായിരുന്നു ജയരാജന്റെ പരിഹാസം. പെങ്ങൾ പോയി കണ്ട് സെറ്റായാൽ പിന്നാലെ ആങ്ങളയും പോകും-ജയരാജൻ പറഞ്ഞു. ഒറ്റ വരിയിലൊതുങ്ങുന്ന പരിഹാസം മാത്രമായിരുന്നു ജയരാജന്‍റേത്.
