പാലക്കാട് ∙ കൊടുവായൂർ കാക്കയൂർ ആണ്ടിത്തറയിൽ തെരുവുനായയുടെ ആക്രമണത്തിൽ 6 പേർക്ക് പരുക്കേറ്റു. രാവിലെ 6 മണിയോടെ ഇരുചക്ര വാഹനയാത്രക്കാരെയാണ് തെരുവുനായ ആദ്യം ആക്രമിച്ചത്. തുടർന്നു പരിസരവാസികളായ വേലായുധൻ എന്ന കണ്ണൻ (63), ഭാര്യ കോമളം (56), വയ്യാപുരി (64), ആറുമുഖൻ(47) എന്നിവരെയും നായ കടിച്ചു.
വയ്യാപുരിയുടെ മുഖത്തെ മാംസം നായ കടിച്ചെടുത്തു. 4 തുന്നലുണ്ട്. തെരുവുനായയുടെ കടിയേറ്റവർ ജില്ലാ ആശുപത്രിയിൽ ചികിത്സ തേടി. സമീപത്തെ മാധവിയുടെ വീട്ടിലെ പശു, ആട്, കോഴി എന്നിവയെയും നായ ആക്രമിച്ചു.
