പാറശ്ശാല : തിരുവനന്തപുരം പാറശ്ശാല പാളുകൽ പള്ളിയിൽ ഇരു വിഭാഗങ്ങൾ തമ്മിൽ സംഘര്‍ഷം. സിഎസ്ഐ ജൂബിലി ബൈക്ക് റാലിയെ ഒരു വിഭാഗം പള്ളിയിലേക്ക് കടത്തിവിട്ടില്ല. ഇതാണ് സംഘർഷത്തിന് ഇടയായത്. ബിഷപ്പ് ധർമ്മരാജ് രസാലത്തെ അനുകൂലിക്കുന്നവരാണ് റാലി നടത്തിയത്. വൈകിട്ട് ഏഴ് മണിയോടെ എത്തിയ റാലിയെ ഗേറ്റ് പൂട്ടിയിട്ട് ബിഷപ്പിനെ എതിർക്കുന്ന അംഗങ്ങൾ തടഞ്ഞു. റാലിയുമായി എത്തിയവർ തളളിക്കയറാൻ ശ്രമിച്ചതാണ് സംഘർഷത്തിന് ഇടയായത്. പിന്നീട് പള്ളി വികാരി എത്തി ഗേറ്റ് തുറന്നുകൊടുക്കുകയായിരുന്നു.
