കൊല്ലം: പരവൂര് മജിസ്ട്രേറ്റ് കോടതിയിലെ അസിസ്റ്റന്റ് പബ്ലിക് പ്രോസിക്യൂട്ടറെ തൂങ്ങി മരിച്ച നിലയില് കണ്ടെത്തി. പരവൂര് നെടുങ്ങോലത്തെ വീട്ടിലെ ശുചിമുറിയിലാണ് അഡ്വ. എസ് അനീഷ്യ(41)യെ മരിച്ച നിലയില് കണ്ടെത്തിയത്. ഇന്ന് രാവിലെ 11 നും 12.30 നും ഇടയിലാണ് മരണം നടന്നതെന്നാണ് കരുതുന്നത്. ഭര്ത്താവ് അജിത് കുമാര് മാവേലിക്കര കോടതി ജഡ്ജിയാണ്. അനീഷ്യയ്ക്ക് ജോലിയുമായി ബന്ധപ്പെട്ട് കടുത്ത മാനസിക സമ്മര്ദ്ദം നേരിട്ടിരുന്നുവെന്ന് ബന്ധുക്കള് പറയുന്നു. അസ്വാഭാവിക മരണത്തിന് പൊലീസ് കേസെടുത്തു. നാളെ ഉച്ചയ്ക്ക് 1 മണിക്ക് സ്വഭവനത്തിലാണ് സംസ്കാര ചടങ്ങുകള്.
