തിരുവനന്തപുരം: സംസ്ഥാനത്ത് പ്ലസ് വണ്‍ പ്രവേശനത്തിനായുള്ള സപ്ലിമെന്ററി അലോട്ട്മെന്റ് മറ്റന്നാള്‍ മുതല്‍. സീറ്റൊഴിവും മറ്റു വിവരങ്ങളും മറ്റന്നാള്‍ പ്രസിദ്ധീകരിക്കും. ഒഴിവുള്ള സീറ്റിലേക്ക് മറ്റന്നാള്‍ മുതല്‍ അപേക്ഷിക്കാം. പന്ത്രണ്ടാം തീയതി വരെയാണ് സപ്ലിമെന്ററി അലോട്ട്മെന്റ്. പതിനാറാം തീയതിയോടെ പ്രവേശനത്തിന്റെ സപ്ലിമെന്ററി ഘട്ടം പൂര്‍ത്തിയാക്കും. തുടര്‍ന്ന്, പരാതി വന്ന മലപ്പുറം, പാലക്കാട്, കോഴിക്കോട്, വയനാട് തുടങ്ങിയ ജില്ലയിലെ വിദ്യാര്‍ഥികളുടെ വിവരം താലൂക്ക് അടിസ്ഥാനത്തില്‍ ശേഖരിക്കും. സംസ്ഥാനത്ത് ബുധനാഴ്ച മുതല്‍ പ്ലസ് വണ്‍ ക്ലാസുകള്‍ ആരംഭിച്ചിരുന്നു.
