തിരുവനന്തപുരം: വൈദികന് പത്തുവയസ്സുകാരനെ പ്രകൃതിവിരുദ്ധ പീഡനത്തിന് വിധേയമാക്കിയതായി പരാതി. വിഴിഞ്ഞം അടിമലതുറയിലാണ് രക്ഷിതാക്കള് ജോലിക്ക് പോയ സമയത്ത് വീട്ടിലെത്തിയ വൈദികന് പത്തുവയസ്സുകാരനെ പ്രകൃതിവിരുദ്ധ പീഡനത്തിന് വിധേയമാക്കിയതായി പരാതി ഉയര്ന്നത്. സംഭവത്തില് വിഴിഞ്ഞം പോലീസ് കേസെടുത്ത് അന്വേഷണം ആരംഭിച്ചു. ഇക്കഴിഞ്ഞ 26 ന് ആറു മണിയോടെ ആണ് കേസിനാസ്പദമായ സംഭവം. ജോലി കഴിഞ്ഞ് തിരികെ എത്തിയ രക്ഷിതാക്കള് കുട്ടി ശാരീരിക അസ്വസ്ഥത പ്രകടിപ്പിക്കുന്നത് ശ്രദ്ധയില്പ്പെട്ടതിനെ തുടര്ന്ന് വിവരം അന്വേഷിച്ചപ്പോഴാണ് കുട്ടി പീഡന വിവരം പറയുന്നത്.
തിങ്കളാഴ്ച രാത്രി തന്നെ രക്ഷിതാക്കള് വിഴിഞ്ഞം പോലീസില് പരാതി നല്കി. പോക്സോ വകുപ്പ് പ്രകാരം എന്ന് രാത്രി തന്നെ കേസെടുത്ത അന്ന് പോലീസ് കുട്ടിയുടെ മൊഴി രേഖപ്പെടുത്തി. എന്നാല് കുട്ടി നല്കിയ മൊഴിയില് ഏത് വൈദികനാണ് കുട്ടിയെ പീഡനത്തിന് ഇരയാക്കിയത് എന്ന് തിരിച്ചറിയാന് കഴിഞ്ഞിട്ടില്ല എന്നാണ് വിഴിഞ്ഞം പോലീസ് പറയുന്നത്. അടിമലതുറ ഇടവകയുമായി ബന്ധപ്പെട്ട വൈദികര് അല്ല കൃത്യത്തില് ഉള്പ്പെട്ടിരിക്കുന്നത് എന്നാണ് പോലീസിന്റെ പ്രാഥമിക നിഗമനം. നിലവില് സംശയ നിഴലില് ഉള്ളവരുടെ വിവരങ്ങള് പോലീസ് ശേഖരിച്ച് വരികയാണ്.
