പാലക്കാട് : മലമ്പുഴ ജില്ലാ ജിയിലിൽ നിന്നും ചാടിപ്പോയ പ്രതി പിടിയില്‍. തമിഴ്നാട്ടിലെ തിരുപ്പൂരിൽ വച്ചാണ് ഷിനോയിയെ പൊലീസ് പിടികൂടിയത്. ഇന്ന് രാവിലെയാണ് റിമാൻഡ് പ്രതി കുഴൽമന്ദം സ്വദേശി ഷിനോയ് ജയിൽ ചാടിയത്. രാവിലെ ജയിലിലെ പണിക്ക് ഇറക്കിയപ്പോൾ, പത്തുമണിയോടെ ഇയാല്‍ രക്ഷപ്പെടുകയായിരുന്നു. പിന്നാലെ പൊലീസ് വ്യാപക തെരച്ചിൽ തുടങ്ങിയിരുന്നു. അടിപിടിക്കേസിലാണ് കഴിഞ്ഞ മാസം ഷിനോയ് അറസ്റ്റിലാകുന്നത്. ജാമ്യം എടുക്കാൻ ആളില്ലാതെ വന്നതോടെ റിമാൻഡ് തുടരുകയായിരുന്നു.
