മലപ്പുറം: കോടതി നശിപ്പിക്കാൻ ഉത്തരവിട്ട തൊണ്ടി മുതൽ മറിച്ചുവിറ്റ സംഭവത്തിൽ പൊലീസുകാരെ വിജിലൻസ് അന്വേഷണം പൂർത്തിയാക്കും മുൻപേ തിരിച്ചെടുത്തു. കോടതി നശിപ്പിക്കാൻ ഏൽപ്പിച്ച ലഹരി വസ്തുക്കൾ മറിച്ചുവിറ്റ രണ്ട് പൊലീസ് ഉദ്യോഗസ്ഥരെയാണ് സര്വ്വീസിൽ തിരിച്ചെടുത്തത്. കോട്ടയ്ക്കൽ പൊലീസ് റജിസ്റ്റർ ചെയ്ത കേസിലെ രണ്ട് പൊലീസ് ഉദ്യോഗസ്ഥരെയാണ് ഉത്തരമേഖല ഐജി തിരിച്ചെടുത്തത്. എഎസ്ഐ സി.ടി.രജീന്ദ്രൻ, സിപിഒ ഷാജി അലക്സാണ്ടർ എന്നിവരെയാണ് പാലക്കാട് ജില്ലയിൽ നിയമിച്ചുകൊണ്ടാണ് ഉത്തരവിട്ടത്. ഇരുവർക്കും എതിരെയുള്ള വിജിലൻസ് അന്വേഷണം പൂർത്തിയാകും മുൻപേയാണ് തിരിച്ചെടുക്കൽ. 2021 സെപ്റ്റംബറിലായിരുന്നു തൊണ്ടിമുതൽ മറിച്ചു വിറ്റത്.
