മലപ്പുറം: മേലാറ്റൂരില് പോലീസ് സ്റ്റേഷന് ബോംബ് വച്ച് തകര്ക്കുന്ന റീല് നിര്മിച്ചതിന് യുവാക്കളെ അറസ്റ്റ് ചെയ്തു. മലപ്പുറം മേലാറ്റൂരില് അഞ്ച് യുവാക്കളാണ് അറസ്റ്റിലായത്. മേലാറ്റൂര് പോലീസ് സ്റ്റേഷന് ബോംബ് വച്ച് തകര്ക്കുന്നതായാണ് സിനിമാ ഡയലോഗിനൊപ്പം ചേര്ത്ത് റീല് നിര്മിച്ചത്. അടുത്തിടെയിറങ്ങിയ ചിത്രത്തിലെ സംഭാഷണ ശകലത്തിനൊപ്പം ചേര്ത്താണ് യുവാക്കള് വീഡിയോ നിര്മിച്ചത്.
സിനിമയുടെ ശബ്ദശകലം വച്ച് ചെയ്ത വീഡിയോ ഇത്രയും വലിയ കുരുക്കാകുമെന്ന് യുവാക്കള് കരുതിക്കാണില്ല. വീഡിയോയുടെ അവസാനം പൊലീസ് സ്റ്റേഷന് ബോംബ് വച്ച് തകര്ക്കുന്നതും കൃത്രിമമായി സൃഷ്ടിച്ചിരുന്നു. ഇതിനാണ് മേലാറ്റൂര് പോലീസ് അഞ്ച് യുവാക്കളെയും അറസ്റ്റ് ചെയ്തത്. കരുവാരക്കുണ്ട് പുന്നക്കാട് സ്വദേശികളായ മുഹമ്മദ് റിയാസ്, സല്മാനുല് ഫാരിസ്, മുഹമ്മദ് ജാസിം, സലിം ജിഷാദിയന്, മുഹമ്മദ് ഫവാസ് എന്നിവരാണ് പിടിയിലായത്.
