കൊച്ചി> കൊച്ചിയിലെ ന്യൂസ്‌ ഫോട്ടോഗ്രാഫർമാരുടെ കൂട്ടായ്‌മയായ കൊച്ചി ഫോട്ടോ ജേണലിസ്റ്റ്സ് ഫോറം സംഘടിപ്പിക്കുന്ന ഫോട്ടോ പ്രദർശനം ‘പോർട്ട്‌ഫോളിയോ 2024’ന്റെ ബ്രോഷർ നടൻ മോഹൻലാൽ പ്രകാശിപ്പിച്ചു. ഫോട്ടോ ജേണലിസ്റ്റ്സ് ഫോറം കൺവീനർ മനു വിശ്വനാഥ്, ട്രഷറർ മനു ഷെല്ലി, ജോയിന്റ് കൺവീനർ വി ശിവറാം, ബ്രില്യൻ ചാൾസ്, ബൈജു കൊടുവള്ളി, സിദ്ദിഖുൾ അക്ബർ, മനു ജോഷ്വാൻ എന്നിവർ പങ്കെടുത്തു.
24 മുതൽ 26 വരെ ദർബാർ ഹാൾ ആർട്ട്‌ ഗ്യാലറിയിലാണ്‌ ഫോട്ടോ പ്രദർശനം. കൊച്ചിയിലെ വിവിധ പത്രമാധ്യമങ്ങളിലെ 33 ഫോട്ടോഗ്രാഫർമാർ 2022 ജനുവരിമുതൽ 2023 ഡിസംബർവരെ പകർത്തിയ 65 ചിത്രങ്ങളാണ്‌ പ്രദർശനത്തിലുള്ളത്‌.
