ന്യൂഡൽഹി: തൃശൂർ സിറ്റിങ് എം.പി ടി.എൻ. പ്രതാപനെ കെ.പി.സി.സി വർക്കിങ് പ്രസിഡന്‍റായി കോൺഗ്രസ് അധ്യക്ഷൻ മല്ലികാർജുൻ ഖാർഗെ നിയമിച്ചു. തൃശൂർ ലോക്സഭ സീറ്റിൽ കെ. മുരളീധരനെ സ്ഥാനാർഥിയാക്കുകയും പ്രതാപന് പിന്മാറേണ്ടി വരുകയും ചെയ്ത പശ്ചാത്തലത്തിലാണ് തീരുമാനം.
ഹസന് കെ.പി.സിസി പ്രസിഡന്റ് ചുമതല
തിരുവനന്തപുരം: കെ.പി.സി.സി പ്രസിഡന്‍റിന്‍റെ താൽക്കാലിക ചുമതല ബുധനാഴ്ച യു.ഡി.എഫ് കൺവീനർ എം.എം. ഹസന് കൈമാറും. കെ.പി.സി.സി പ്രസിഡന്റ് കെ. സുധാകരന്‍ കണ്ണൂര്‍ പാര്‍ലമെന്റ് മണ്ഡലത്തിലെ യു.ഡി.എഫ് സ്ഥാനാർഥിയായി മത്സരിക്കുന്ന സാഹചര്യത്തിലാണ് ചുമതല മാറ്റം.
