പട്ന : ബിഹാറിൽ പ്രചാരണത്തിനെത്തിയ രാഷ്ട്രപതി സ്ഥാനാർഥി ദ്രൗപതി മുർമുവിനെ മുഖ്യമന്ത്രി നിതീഷ് കുമാറിന്റെ നേതൃത്വത്തിൽ പട്ന വിമാനത്താവളത്തിൽ സ്വാഗതം ചെയ്തു. ഉപമുഖ്യമന്ത്രിമാരായ താരകിഷോർ പ്രസാദ്, രേണു ദേവി, കേന്ദ്രമന്ത്രി നിത്യാനന്ദ് റായി തുടങ്ങിയവരും സ്വീകരണ പരിപാടിയിൽ പങ്കെടുത്തു.
ബിഹാറിൽ നിന്നുള്ള എൻഡിഎയുടെ പാർലമെന്റ്, നിയമസഭാ അംഗങ്ങളുമായി ദ്രൗപതി മുർമു കൂടിക്കാഴ്ച നടത്തി വോട്ട് അഭ്യർഥിച്ചു. ബിഹാറിൽ ആർജെഡിയുടെ നേതൃത്വത്തിലുള്ള പ്രതിപക്ഷ കക്ഷികൾ രാഷ്ട്രപതി തിരഞ്ഞെടുപ്പിൽ യശ്വന്ത് സിൻഹയ്ക്ക് പിന്തുണ പ്രഖ്യാപിച്ചിരുന്നു.
