ഡല്‍ഹി : പ്രധാനമന്ത്രി നരേന്ദ്ര മോദിയും യുഎസ് പ്രസിഡന്റ് ഡൊണാള്‍ഡ് ട്രംപും ഫെബ്രുവരി 13 ന് വാഷിംഗ്ടണില്‍ കൂടിക്കാഴ്ച നടത്തുമെന്ന് ഉദ്യോഗസ്ഥര്‍ അറിയിച്ചു. പ്രധാനമന്ത്രിയുടെ സന്ദര്‍ശനത്തിനായി യുഎസുമായി ചര്‍ച്ചകള്‍ നടത്തിവരികയാണെന്ന് വിദേശകാര്യ മന്ത്രാലയം അറിയിച്ചതിന് ദിവസങ്ങള്‍ക്ക് ശേഷമാണ് തീരുമാനം. ട്രംപ് രണ്ടാം തവണയും സത്യപ്രതിജ്ഞ ചെയ്തതിനുശേഷം പ്രധാനമന്ത്രി മോദിയുടെ യുഎസിലേക്കുള്ള ആദ്യ ഉഭയകക്ഷി സന്ദര്‍ശനമാണിത്. കൂടാതെ ട്രംപ് സത്യപ്രതിജ്ഞ ചെയ്ത് ആഴ്ചകള്‍ക്കുള്ളില്‍ ഉഭയകക്ഷി സന്ദര്‍ശനത്തിനായി വാഷിംഗ്ടണ്‍ ഡിസിയിലേക്ക് പോകുന്ന വിദേശ നേതാക്കളില്‍ ഇന്ത്യന്‍ പ്രധാനമന്ത്രിയും ഉള്‍പ്പെടും.
