മലപ്പുറം: മലപ്പുറം ചേളാരിയില്‍ തോക്കു ചൂണ്ടി കവര്‍ച്ച ചെയ്ത കേസില്‍ കൊട്ടേഷന്‍ സംഘത്തിലെ 6 പേര്‍ പിടിയില്‍. ചേളാരിയില്‍ ഐഒസി പ്ലാന്റിനു സമീപം തിരൂര്‍ സ്വദേശികളായ യുവാക്കളെയാണ് കവര്‍ച്ച ചെയ്തത്. കൊണ്ടോട്ടി സ്വദേശികളായ സുജിന്‍, അഴിഞ്ഞിലം സ്വദേശി സുജിത്ത്, വാഴക്കാട് സ്വദേശി സുജീഷ്, സജിലേഷ്, രാമനാട്ടുകര സ്വദേശി മുഹമ്മദ്, ഇജാസ് എന്നിവരാണ് പിടിയിലായത്. ഇന്നലെ വൈകീട്ട് ഓട്ടോയില്‍ എത്തിയ സംഘം തോക്കുചൂണ്ടി ഭീഷണിപ്പെടുത്തി ആളൊഴിഞ്ഞ സ്ഥലത്തേക്ക് കൂട്ടി കൊണ്ടുപോയി മര്‍ദ്ദിച്ച് യുവാക്കളുടെ പണം തട്ടിയെടുക്കുകയായിരുന്നു.
