കണ്ണൂർ ടൗൺ നവീകരണ പദ്ധതി:​ ഭൂമി ഏറ്റെടുക്കൽ വിജ്ഞാപനം ഹൈകോടതി റദ്ദാക്കി

കൊ​ച്ചി: ക​ണ്ണൂ​ർ ടൗ​ൺ നവീകരണ പദ്ധതിയുടെ ഭാ​ഗ​മാ​യി മ​ന്നാ ജ​ങ്​​ഷ​ൻമു​ത​ൽ പു​തി​യ ബൈ​പാ​സ് വ​രെ​യു​ള്ള റോ​ഡ് നി​ർ​മാ​ണ​ത്തി​ന്​ ഭൂ​മി ഏ​റ്റെ​ടു​ക്കാ​നു​ള്ള വി​ജ്ഞാ​പ​നം ഹൈ​കോ​ട​തി റ​ദ്ദാ​ക്കി. 2013ലെ ​ഭൂ​മി ഏ​റ്റെ​ടു​ക്ക​ൽ നി​യ​മ​വു​മാ​യി ബ​ന്ധ​​പ്പെ​ട്ട വ്യ​വ​സ്ഥ​ക​ൾ പാ​ലി​ക്കാ​തെ​യാ​ണ്​ വി​ജ്ഞാ​പ​നം പു​റ​പ്പെ​ടു​വി​ച്ച​തെ​ന്ന്​ വി​ല​യി​രു​ത്തി​യാ​ണ്​ ജ​സ്റ്റി​സ്​ ടി.​ആ​ർ. ര​വി​യു​ടെ ഉ​ത്ത​ര​വ്. റോ​ഡ്​ നി​ർ​മാ​ണ​വു​മാ​യി ബ​ന്ധ​പ്പെ​ട്ട വി​ദ​ഗ്ധ സ​മി​തി ശി​പാ​ർ​ശ​യും സ​ർ​ക്കാ​ർ അ​നു​മ​തി​യും റ​ദ്ദാ​ക്കി​യ കോ​ട​തി ഇ​തി​ന്‍റെ അ​ടി​സ്ഥാ​ന​ത്തി​ൽ പു​റ​പ്പെ​ടു​വി​ച്ച വി​ജ്ഞാപ​ന​വും അ​സാ​ധു​വാ​ക്കി. നി​ർ​ദി​ഷ്ട പ​ദ്ധ​തി പ്ര​ദേ​ശ​ത്ത്​ വീ​ടു​ക​ളും വ്യാ​പാ​ര സ്ഥാ​പ​ന​ങ്ങ​ളു​മു​ള്ള ചി​റ​ക്ക​ൽ അ​ബ്ദു​ൽ മ​നാ​ഫ് അ​ട​ക്കം 16 പേ​ർ ന​ൽ​കി​യ ഹ​ര​ജി ഭാ​ഗി​ക​മാ​യി അ​നു​വ​ദി​ച്ചാ​ണ് ഉ​ത്ത​ര​വ്.

ncs-up

Rajan-up

2013ലെ ​ഭൂ​മി ഏ​റ്റെ​ടു​ക്ക​ൽ നി​യ​മ​ത്തി​ന്‍റെ 15ാം വ​കു​പ്പി​ൽ പ​രാ​തി​ക്കാ​രെ കേ​ൾ​ക്കു​ന്ന​ത് സം​ബ​ന്ധി​ച്ച ന​ട​പ​ടി​ക്ര​മ​ങ്ങ​ൾ കൃ​ത്യ​മാ​യി പാ​ലി​ക്കേ​ണ്ട​തു​ണ്ടെ​ന്ന് കോ​ട​തി നി​രീ​ക്ഷി​ച്ചു. ഭൂ​മി ഏ​റ്റെ​ടു​ക്കു​ന്ന സ്ഥ​ല​ങ്ങ​ളി​ലെ ത​ദ്ദേ​ശ സ്ഥാ​പ​ന​ങ്ങ​ളു​ടെ പ്ര​തി​നി​ധി​ക​ളെ വി​ദ​ഗ്ധ സ​മി​തി​യി​ൽ ഉ​ൾ​പ്പെ​ടു​ത്ത​ണം.

ALA-up

self

അ​ത​ത് പ്ര​ദേ​ശ​ങ്ങ​ളി​ലെ സാ​മൂ​ഹി​ക സാ​ഹ​ച​ര്യം​ അ​വ​ർ​ക്ക് അ​റി​യാ​വു​ന്ന​തു​കൊ​ണ്ടാ​ണ് ഇ​ത്ത​ര​മൊ​രു നി​ബ​ന്ധ​ന. കോ​ർ​പ​റേ​ഷ​നി​ലെ പ്ര​തി​നി​ധി​ക​ൾ വി​ദ​ഗ്​​ധ സ​മി​തി​യി​ലു​ണ്ടെ​ന്ന​തി​ന്‍റെ പേ​രി​ൽ പ​ഞ്ചാ​യ​ത്ത്​ പ്ര​തി​നി​ധി​ക​ളെ ത​ഴ​ഞ്ഞ​ത്​ ച​ട്ട​വി​രു​ദ്ധ​മാ​ണ്. അ​തി​നാ​ൽ ചി​റ​ക്ക​ൽ, വ​ള​പ​ട്ട​ണം പ​ഞ്ചാ​യ​ത്തു​ക​ളി​ലെ പ്ര​തി​നി​ധി​ക​ളെ ഉ​ൾ​പ്പെ​ടു​ത്താ​തെ രൂ​പ​വ​ത്​​ക​രി​ച്ച വി​ദ​ഗ്ധ സ​മി​തി​യു​ടെ ശി​പാ​ർ​ശ പ​രി​ഗ​ണി​ക്കാ​നാ​വി​ല്ലെ​ന്ന്​ കോ​ട​തി വ്യ​ക്ത​മാ​ക്കി.

Rajan-up

self

പ​രി​സ്ഥി​തി ആ​ഘാ​ത പ​ഠ​നം ന​ട​ത്ത​ണമെന്ന്​ നി​ർ​ദേ​ശി​ക്കു​ന്ന​ത്​ പ്ര​ദേ​ശ​ത്ത്​ പ​ദ്ധ​തി അ​നു​യോ​ജ്യ​മാ​ണോ​യെ​ന്ന​ത​ട​ക്കം പ​രി​ഗ​ണി​ക്കാ​നാ​ണ്. അ​തി​നാ​യി പ​ദ്ധ​തി ബാ​ധി​ത​രു​ടെ നി​ല​പാ​ടു​ക​ൾ ആ​രാ​യേ​ണ്ട​തു​ണ്ട്. എ​ന്നാ​ൽ, പ​രി​സ്ഥി​തി ആ​ഘാ​ത പ​ഠ​ന​വു​മാ​യി സ​ഹ​ക​രി​ച്ചി​ല്ലെ​ന്ന​ത്​ ന്യാ​യീ​ക​ര​ണ​മാ​ക്കി ബാ​ധി​ത​രെ മു​ഴു​വ​ൻ കേ​ൾ​ക്കാ​തെ തീ​രു​മാ​ന​മെ​ടു​ക്കു​ന്ന​ത്​ ച​ട്ട വി​രു​ദ്ധ​മാ​ണ്. അ​തി​നാ​ൽ, വി​ദ​ഗ്​​ധ സ​മി​തി ന​ൽ​കി​യ റി​പ്പോ​ർ​ട്ടും​ അം​ഗീ​ക​രി​ക്കാ​നാ​വി​ല്ല. ഇ​ത്​ അം​ഗീ​ക​രി​ച്ച​തും ഇ​തി​ന്‍റെ അ​ടി​സ്ഥാ​ന​ത്തി​ൽ വി​ജ്ഞാ​പ​നം പു​റ​പ്പെ​ടു​വി​ച്ച​തും നി​ല​നി​ൽ​ക്കി​ല്ലെ​ന്ന ഹ​ര​ജി​ക്കാ​രു​ടെ അ​ഭി​ഭാ​ഷ​ക​നാ​യ പി.​എ. മു​ഹ​മ്മ​ദ്​ ഷാ​യു​ടെ വാ​ദം തു​ട​ർ​ന്ന്​ കോ​ട​തി അ​നു​വ​ദി​ക്കു​ക​യാ​യി​രു​ന്നു.

വി​ജ്ഞാ​പ​ന​മി​റ​ങ്ങി​യാ​ൽ പ​രാ​തി ന​ൽ​കാ​ൻ 60 ദി​വ​സം കൊ​ടു​ക്കാ​ൻ നി​യ​മം അ​നു​ശാ​സി​ക്കു​മ്പോ​ൾ, ച​ട്ട​ങ്ങ​ളി​ലൂ​ടെ​യും വി​ജ്ഞാ​പ​ന​ങ്ങ​ളി​ലൂ​ടെ​യും അ​ത് 15 ദി​വ​സ​മാ​യി വെ​ട്ടി​ക്കു​റ​ക്കാ​ൻ സ​ർ​ക്കാ​റി​ന് ക​ഴി​യി​ല്ല. ശ​രി​യാ​യ രീ​തി​യി​ലു​ള്ള നി​യ​മ​നി​ർ​മാ​ണം ന​ട​ത്ത​ണ​മെ​ന്ന് കോ​ട​തി നി​ർ​ദേ​ശി​ക്കു​ന്ന​ത്​ അ​നു​ചി​ത​മാ​ണ്. എ​ന്നാ​ൽ, ഇ​ത്ത​രം കാ​ര്യ​ങ്ങ​ളി​ൽ നി​യ​മ നി​ർ​മാ​ണ​ത്തി​ൽ സ​ർ​ക്കാ​ർ ശ്ര​ദ്ധ പാ​ലി​ക്കേ​ണ്ട​തു​ണ്ട്.

നി​യ​മ​പ്ര​കാ​രം വി​ദ​ഗ്ധ സ​മി​തി​ക്ക്​ രൂ​പം ന​ൽ​കി​യ​ശേ​ഷം ച​ട്ടപ്ര​കാ​രം ന​ട​ത്തു​ന്ന പ​ഠ​ന​ത്തി​ന്‍റെ അ​ടി​സ്ഥാ​ന​ത്തി​ൽ മാ​ത്ര​മേ ഭൂ​മി ഏ​റ്റെ​ടു​ക്ക​ൽ ന​ട​പ​ടി സ്വീ​ക​രി​ക്കാ​വൂ​വെ​ന്നും കോ​ട​തി വ്യ​ക്ത​മാ​ക്കി.