കോഴിക്കോട്: കിഴക്കോത്ത്‌ കച്ചേരി മുക്കിൽ വീട്ടുമുറ്റത്തെ കിണർ ഇടിഞ്ഞുതാഴ്ന്നു. ഒതയോത്ത് പുറായിൽ പൊയിലങ്ങൽ ഉമ്മറിന്റെ വീടിനോട് ചേർന്ന കിണറാണ് ആൾമറ ഉൾപ്പെടെ താഴ്ന്നു പോയത്. ചൊവ്വാഴ്ച രാവിലെയായിരുന്നു സംഭവം.
വീട്ടുകാർ എഴുന്നേറ്റ് പുറത്തെത്തിയപ്പോൾ കിണറിന്റെ ആൾമറയുടെ ഭാഗത്തു വിള്ളൽ കണ്ടിരുന്നു. അപായം മനസ്സിലാക്കിയ വീട്ടുകാർ ജാഗ്രത പുലർത്തി. വീട്ടുകാർ നോക്കി നിൽക്കെ അൽപ്പസമയത്തിനകം ആൾമറ ഉൾപ്പെടെ താഴ്ന്ന് പോവുകയായിരുന്നു. വീടിനോട് ചേർന്ന് കിണർ ഇടിഞ്ഞതിനാൽ വീട്ടുകാർ ഭീതിയിലാണ്.
