തിരുവനന്തപുരം : ഗതാഗത വകുപ്പിനെയാകെ വെല്ലുവിളിച്ച് സർവീസ് നടത്തുന്ന റോബിൻ ബസിനെ പൂട്ടാൻ പുതിയ ബദൽ സർവീസുമായി കെഎസ്ആർടിസി. പത്തനംതിട്ടയിൽ നിന്ന് കോയമ്പത്തൂരിലേക്ക് പുതിയ ബസ് സർവീസ് നാളെ നാലരക്ക് തുടങ്ങുമെന്ന് കെഎസ്ആർടിസി അറിയിച്ചു. സമാന റൂട്ടിൽ എസി ലോ ഫ്ലോർ ബസാണ് ഓടുക. കോടതി പറയും വരെ സർവീസ് തുടരുമെന്ന നിലപാടിലാണ് റോബിൻ ബസുടമ. നാളെയും കോയമ്പത്തൂരിലേക്ക് സർവീസ് നടത്തും. 37500 രൂപ ഇതുവരെ പിഴ വന്നു. നാലിടത്ത് നിർത്തി പരിശോധനയും ഒരിടത്ത് അല്ലാതെയും പരിശോധന നടത്തി. ഇതിനു പുറമെ മറ്റു ചലാനുകളും വരാനുണ്ടെന്നും അദ്ദേഹം പറയുന്നു.
