അഡ്വഞ്ചര്‍ ടൂറര്‍ മോഡലായ ഹിമാലയനെ അടിസ്ഥാനമാക്കിയുള്ള പുതിയ മോട്ടോര്‍ സൈക്കിളിന്റെ പണിപ്പുരയിലാണ് ഐക്കണിക്ക് ഇന്ത്യന്‍ ഇരുചക്ര വാഹന ബ്രാന്‍ഡായ റോയല്‍ എന്‍ഫീല്‍ഡ്. നിലവില്‍ സ്‌ക്രാം 411 എന്ന് വിളിക്കപ്പെടുന്ന ഈ മോഡല്‍ 2022 ഫെബ്രുവരിയില്‍ വിപണിയില്‍ അവതരിപ്പിക്കപ്പെടുമെന്ന് പ്രതീക്ഷിക്കുന്നു. റോയല്‍ എന്‍ഫീല്‍ഡ് അടുത്ത വര്‍ഷം പുറത്തിറക്കുന്ന ആദ്യത്തെ മോട്ടോര്‍സൈക്കിള്‍ ആയിരിക്കും സ്‌ക്രാം എന്നും റിപ്പോര്‍ട്ടുകള്‍ ഉണ്ട്.
സ്‌ക്രാമിന്റെ പരീക്ഷണയോട്ടം നിലവില്‍ രാജ്യത്ത് നടക്കുകയാണ്. അതിനാല്‍, ഇത് കുറച്ച് തവണ റോഡുകളില്‍ കണ്ടെത്തിയിരുന്നു. വീണ്ടും വാഹനത്തിന്റെ പരീക്ഷണയോട്ട വീഡിയോ പുറത്തുവന്നതായി കാര്‍ ടോഖ് റിപ്പോര്‍ട്ട് ചെയ്യുന്നു. പുതിയ വീഡിയോയില്‍ സ്‌ക്രാം നിര്‍മ്മാണത്തിന് തയ്യാറാണെന്ന് കാണാന്‍ കഴിയും. ചുവപ്പും കറുപ്പും ഉള്ള പ്രൊഡക്ഷന്‍-സ്‌പെക്ക് പെയിന്റ് സ്‌കീമിലാണ് വാഹനം പൂര്‍ത്തിയാക്കിയിരിക്കുന്നത്. അതേസമയം ഇതാദ്യമായല്ല ഈ പെയിന്റ് സ്‌കീം പരീക്ഷണയോട്ടത്തിനിടെ കാണുന്നത്.
