ദില്ലി: രാജസ്ഥാനിലെ കോൺഗ്രസ് സർക്കാറിനെതിരെ സമരം പ്രഖ്യാപിച്ച് കോൺഗ്രസ് നേതാവ് സച്ചിൻ പൈലറ്റ്. ബിജെപി സർക്കാറിന്റെ കാലത്ത് നടന്ന അഴിമതികളിൽ അന്വേഷണം പ്രഖ്യാപിക്കണമെന്ന് ആവശ്യപ്പെട്ടാണ് സച്ചിൻ പൈലറ്റ് നിരാഹര സമരം പ്രഖ്യാപിച്ചിരിക്കുന്നത്.
അഴിമതികളിൽ അന്വേഷണം നടത്തണമെന്നാവശ്യപ്പെട്ട് മുഖ്യമന്ത്രി അശോക് ഘലോട്ടിന് കത്ത് നൽകിയിരുന്നെന്നും ഇതുവരേ മറുപടി ലഭിച്ചിട്ടില്ലെന്നും സച്ചിൻ വ്യക്തമാക്കി. മാഫിയകൾക്കെതിരെ സർക്കാർ പരാജയമെന്നും സച്ചിൻ പൈലറ്റ് വാര്‍ത്താസമ്മേളനത്തില്‍ അഭിപ്രായപ്പെട്ടു. ഏപ്രിൽ 11 നാണ് പൈലറ്റിന്റെ നിരാഹര സമരം.
