തിരുവനന്തപുരം: പ്രതിപക്ഷ ഐക്യത്തിന് കോണ്‍ഗ്രസ് മുന്നില്‍ നിന്ന് നയിക്കണമെന്ന് മന്ത്രി സജി ചെറിയാന്‍. രാജ്യത്ത് മതനിരപേക്ഷത ശക്തിപ്പെടുത്താന്‍ കോണ്‍ഗ്രസ് മുന്നില്‍ നിന്ന് നയിക്കണം. കര്‍ണാടക തെരഞ്ഞെടുപ്പ് ഫലം ബിജെപിയുടെ തകര്‍ച്ചയുടെ തുടക്കമെന്നും ബിജെപി ഭരണഘടനാ മൂല്യങ്ങളെ തകര്‍ക്കുന്നുവെന്നും മന്ത്രി പറഞ്ഞു. കോണ്‍ഗ്രസിന്റെ പല നിലപാടുകളോടും യോജിപ്പില്ല. കേരളത്തില്‍ വികസന വിരോധ സമീപനമാണ് കോണ്‍ഗ്രസിന്. എന്നിരുന്നാലും രാജ്യത്ത് മതനിരപേക്ഷത ശക്തിപ്പെടുത്താന്‍ കോണ്‍ഗ്രസ് മുന്നില്‍ നില്‍ക്കണം. അതില്‍ യാതൊരു തര്‍ക്കവുമില്ല. ഇന്ത്യയിലെ ഏറ്റവും ശക്തമായ പാര്‍ട്ടിയാണ് കോണ്‍ഗ്രസെന്നും സജി ചെറിയാന്‍ പറഞ്ഞു.
