മലപ്പുറം; അരക്കോടിയുടെ ചന്ദനത്തടിയുമായി മലപ്പുറത്ത് രണ്ട് പേര് അറസ്റ്റില്. മലപ്പുറം കൊളത്തൂരില് നിന്നാണ് ചന്ദനത്തടിയുമായി രണ്ടു പേരെ പോലീസ് പിടികൂടിയത്. അന്താരാഷ്ട്ര വിപണിയില് അരക്കോടിയോളം രൂപ വിലവരുന്ന ചന്ദനവുമായി മഞ്ചേരി സ്വദേശി അലവിക്കുട്ടി ഏറ്റുമാനൂര് സ്വദേശി സന്തോഷ് എന്നിവരാണ് പിടിയിലായത്. ചന്ദനവേട്ട സംബന്ധിച്ച് പോലീസിന് വിവരം ലഭിച്ചതിന്റെ അടിസ്ഥാനത്തില് പെരിന്തല്മണ്ണ ഡിവൈഎസ്പിയുടെ നേതൃത്വത്തില് നടത്തിയ വാഹന പരിശോധനയിലാണ് ഇവര് പിടിയിലായത്. കാറിന്റെ ബാക്ക് സീറ്റിനടിയില് രഹസ്യ അറയുണ്ടാക്കിയാണ് ചന്ദനം കടത്തിയത്. ആന്ധ്ര, തമിഴ്നാട് സംസ്ഥാനങ്ങളില് നിന്ന് ആഡംബര വാഹനങ്ങളില് ചന്ദനമരത്തടികള് കേരളത്തിലെത്തിച്ച് രൂപമാറ്റം വരുത്തി വില്പ്പന നടത്തുന്ന കള്ളക്കടത്ത് സംഘം ജില്ലയില് സജീവമാണ്.
