റിയാദ്: സൗദി അറേബ്യയില്‍ കൊവിഡ് ബാധിച്ച് ചികിത്സയിലിരിക്കുന്നവരില്‍ 491 പേര്‍ കൂടി സുഖം പ്രാപിച്ചു. 24 മണിക്കൂറിനിടെ പുതുതായി 248 പേര്‍ക്ക് പുതുതായി രോഗബാധ സ്ഥിരീകരിച്ചു. രാജ്യത്ത് ഇതുവരെ റിപ്പോര്‍ട്ട് ചെയ്ത ആകെ കേസുകളുടെ എണ്ണം 809,274 ആയി.
ആകെ രോഗമുക്തരുടെ എണ്ണം 794,435 ആയി ഉയര്‍ന്നു. ആകെ മരണസംഖ്യ 9,247 ആയി. രോഗബാധിതരില്‍ 5,592 പേരാണ് ചികിത്സയില്‍ കഴിയുന്നത്. ഇതില്‍ 139 പേര്‍ ഗുരുതരാവസ്ഥയിലാണ്. ഇവര്‍ രാജ്യത്തെ വിവിധ ഭാഗങ്ങളിലെ ആശുപത്രികളില്‍ തീവ്രപരിചരണ വിഭാഗത്തില്‍ കഴിയുകയാണ്. 24 മണിക്കൂറിനിടെ 12,637 ആര്‍.ടി-പി.സി.ആര്‍ പരിശോധനകള്‍ നടത്തി. റിയാദ് 61, ജിദ്ദ 37, മക്ക 11, ദമ്മാം 10, അല്‍ബാഹ 7, ഖോബാര്‍ 7, ത്വാഇഫ് 6, അബ്ഹ 6, ദഹ്‌റാന്‍ 6, ഹാഇല്‍ 5, ബുറൈദ 5, മദീന 5, ഹുഫൂഫ് 5, യാംബു 5, ഖത്വീഫ് 4, അബ്‌ഖൈഖ് 4, ജീസാന്‍ 3, നജ്‌റാന്‍ 3, അല്‍റസ് 3, ജുബൈല്‍ 3, മന്‍ദഖ് 3, സബ്‌യ 3, തബൂക്ക് 2, അറാര്‍ 2, ഖമീസ് മുശൈത്ത് 2, ബെയ്ഷ് 2, ബല്‍ജുറൈഷി 2, അല്‍ഖുറ 2, ഖര്‍ജ് 2, വാദി ദവാസിര്‍ 2, സഹന 2 എന്നിങ്ങനെയാണ് രാജ്യത്തെ വിവിധ ഭാഗങ്ങളില്‍ പുതിയ കൊവിഡ് കേസുകള്‍ റിപ്പോര്‍ട്ട് ചെയ്തത്.
