തിരുവനന്തപുരം: തിരുവനന്തപുരത്ത് വഴി നടക്കവെ പെണ്‍കുട്ടിയെ കയറിപ്പിടിച്ച മധ്യവയസ്‌കന്‍ പിടിയില്‍. കരകുളം സ്വദേശിയായ സാബു (50) നെയാണ് അരുവിക്കര പോലീസ് അറസ്റ്റ് ചെയ്തത്. ഒരാഴ്ച്ച മുമ്പ് വഴിയേ നടന്നു പോയ പെണകുട്ടിക്ക് നേരെയായിരുന്നു ഇയാളുടെ അക്രമം. പെണ്‍കുട്ടിയുടെ സ്വകാര്യ ഭാഗങ്ങളിലടക്കം സാബു കയറിപ്പിടിക്കാന്‍ ശ്രമിക്കുകയായിരുന്നു. നിലവിളിച്ച് ഓടിയാണ് പെണ്‍കുട്ടി രക്ഷപ്പെട്ടത്. അതിക്രമത്തില്‍ നിന്ന് ഓടി രക്ഷപ്പെട്ട പെണ്‍കുട്ടി വീട്ടിലെത്തി മാതാപിതാക്കളോട് ഉടന്‍ തന്നെ സംഭവം പറഞ്ഞു. ഇതോടെ പെണ്‍കുട്ടിയുടെ മാതാപിതാക്കള്‍ അരുവിക്കര പൊലീസില്‍ പരാതി നല്‍കുകയായിരുന്നു. പോലീസ് നടത്തിയ അന്വേഷണത്തില്‍ ഇന്ന് രാവിലെ ആണ് സാബുവിനെ അറസ്റ്റ് ചെയ്തത്.
