ശ്രീനഗര്‍ : ജമ്മുകശ്മീരിലെ ശ്രീനഗറില്‍ ഏറ്റുമുട്ടല്‍, സുരക്ഷ സേന മൂന്ന് ഭീകരരെ വധിച്ചു. കൊല്ലപ്പെട്ടവരില്‍ ഒരാള്‍ ജെയ്ഷേ മുഹമ്മദ് ഭീകരന്‍ സുഹൈല്‍ അഹമ്മദ് റാത്തര്‍. 4 സുരക്ഷാ സേനാ അംഗങ്ങള്‍ക്ക് പരുക്ക്. ഏറ്റുമുട്ടല്‍ ഉണ്ടായത് പാന്താചൗക്കില്‍. ആയുധങ്ങളും സ്‌ഫോടക വസ്തുക്കളും കണ്ടെത്തിയതായി പൊലീസ് അറിയിച്ചു. നിലവില്‍ പ്രദേശത്ത് ഭീകരര്‍ക്കായി തെരച്ചില്‍ നടത്തുകയാണ്. കൂടുതല്‍ ഭീകരര്‍ ഒളിച്ചിരിക്കുന്നതായി സൈന്യം സംശയിക്കുന്നു.ഭീകരരുടെ സാന്നിദ്ധ്യമുണ്ടെന്ന രഹസ്യ വിവരത്തെ തുടര്‍ന്നാണ് മേഖലയില്‍ പരിശോധന നടത്തിയത്. പരിശോധനയ്ക്കിടെ യാതൊരു പ്രകോപനവും കൂടാതെ ഭീകരര്‍ സൈന്യത്തിന് നേരെ വെടിയുതിര്‍ത്തു. പ്രത്യാക്രമണം നടത്തി സേന ഭീകരനെ വധിക്കുകയായിരുന്നു.
