ആലപ്പുഴ∙ യുവാവിനെ വാഹനം ഇടിപ്പിച്ചു കൊലപ്പെടുത്താൻ ശ്രമിച്ച കേസിലെ പ്രതികളെ ഏഴുവർഷം കഠിനതടവിന് കോടതി ശിക്ഷിച്ചു. കേസിലെ ഒന്നും രണ്ടും പ്രതികളായ രാധാകൃഷ്ണൻ, സുഭാഷ് കുമാർ എന്നിവരെയാണ് ശിക്ഷിച്ചത്.
2018ൽ മാന്നാറിൽ ഇറച്ചിക്കോഴി കച്ചവടവുമായി ബന്ധപ്പെട്ട തർക്കത്തിലാണ് മാന്നാർ കുരട്ടിശേരി ഫാത്തിമാ മൻസിലിൽ വസീം അഫ്സൽ എന്ന യുവാവിനെ പ്രതികൾ വാഹനം ഇടിപ്പിച്ചു കൊലപ്പെടുത്താൻ ശ്രമിച്ചത്. അപകടത്തിൽ വസീമിന്റെ വലതുകാൽ മുട്ടിനു താഴെ മുറിച്ചു കളയേണ്ടി വന്നിരുന്നു. ചെങ്ങന്നൂർ അസിസ്റ്റന്റ് സെഷൻസ് കോടതി ജഡ്ജി വി.എസ്.വീണ ആണ് ശിക്ഷ വിധിച്ചത്.
