മസ്കറ്റ്: ഒമാനിൽ അടിപിടിയെ തുടര്‍ന്ന് നിരവധി പേര്‍ അറസ്റ്റില്‍. ഇതിന്‍റെ വീഡിയോ വൈറലായതിനെ തുടർന്നാണ് സംഭവത്തിലുള്‍പ്പെട്ട നിരവധി പേരെ റോയൽ ഒമാൻ പൊലീസ് അറസ്റ്റ് ചെയ്തു. ബർക്ക വിലായത്തിലെ ഒരു മാർക്കറ്റിൽ അടിപിടി നടക്കുന്ന ദൃശ്യങ്ങൾ അടങ്ങിയ വീഡിയോ ക്ലിപ്പ് പ്രചരിപ്പിച്ചതിനെ തുടർന്ന് തെക്കൻ അൽ ബത്തിന ഗവർണറേറ്റ് പോലീസ് കമാൻഡാണ് ഒരു സംഘം ആളുകളെ അറസ്റ്റ് ചെയ്തത്. ഇവർക്കെതിരെ നിയമനടപടികൾ പുരോഗമിക്കുകയാണെന്നും റോയൽ ഒമാൻ പൊലീസ് പുറത്തിറക്കിയിരിക്കുന്ന വാർത്താകുറിപ്പിൽ പറയുന്നു.
