തൃശൂര്: പ്രായപൂര്ത്തിയാകാത്ത ആണ്കുട്ടിയെ ബസില് വച്ച് ലൈംഗികമായി ഉപദ്രവിച്ച കേസിലെ പ്രതിയെ കൊടുങ്ങല്ലൂര് പോലീസ് അറസ്റ്റ് ചെയ്തു. കോതപറമ്പ് സ്വദേശി കുഴിക്കണ്ടത്തില് അനീഷി (33)നെയാണ് കൊടുങ്ങല്ലൂര് ഇന്സ്പെക്ടര് ഇ.ആര് ബൈജുവും സംഘവും അറസ്റ്റ് ചെയ്തത്. സ്കൂളില് നിന്നും വീട്ടിലേക്ക് പോകുകയായിരുന്ന വിദ്യാര്ത്ഥിയെ പ്രതി ബസില് വച്ച് ലൈംഗികമായി ഉപദ്രവിക്കുകയായിരുന്നു. വിദ്യാര്ത്ഥിയുടെ പരാതിയെ തുടര്ന്ന് ഇയാള്ക്കെതിരെ പോക്സോ നിയമപ്രകാരം കേസെടുത്തു.
