കൊല്ലം : പ്രായപൂർത്തിയാകാത്ത പെൺകുട്ടിയെ ലൈംഗികാതിക്രമത്തിന് ഇരയാക്കിയ രണ്ടുപേർ അറസ്റ്റിൽ. ചവറ പുതുക്കാട് വൈഷ്ണവത്തിൽ രതീഷ് (38), അമ്പലപ്പുഴ പുന്നപ്ര തെക്കേപറമ്പിൽ ആദർശ് (26) എന്നിവരാണ് ഈസ്റ്റ് പോലീസിന്റെ പിടിയിലായത്. സാമൂഹിക
മാധ്യമത്തിലൂടെ പരിചയപ്പെട്ട പ്ലസ്ടു വിദ്യാർഥിനിയെ ഇവർ ജോലിചെയ്യുന്ന ആരാധനാലയത്തിലേക്ക് വിളിച്ചുവരുത്തുകയായിരുന്നു. കൊല്ലം ഈസ്റ്റ് ഇൻസ്പെക്ടർ ആർ.രതീഷ്, എസ്.ഐമാരായ ബാബു, ബാലചന്ദ്രൻ, സൂസി മാത്യു, എ.എസ്.ഐ.മാരായ പ്രദീപ്, ജലജ, ബിന്ദു, സി.പി.ഒ. ഷെഫീക്ക് എന്നിവരടങ്ങിയ സംഘമാണ് ഇവരെ എസ്.എം.പി. പാലസിനുസമീപമുള്ള ആരാധനാലയത്തിൽ നിന്ന് പിടികൂടിയത്.
