തിരുവനന്തപുരം; തിരുവനന്തപുരം ലോ കോളജില്‍ ഏറ്റുമുട്ടി എസ്.എഫ.്‌ഐ – കെ.എസ്.യു പ്രവര്‍ത്തകര്‍. ഇന്ന് വൈകിട്ടോടെയാണ് പ്രവര്‍ത്തകര്‍ ഏറ്റുമുട്ടിയത് യൂണിയന്‍ തെരഞ്ഞെടുപ്പുമായി ബന്ധപ്പെട്ട തയ്യാറെടുപ്പുകള്‍ക്കിടെ നടന്ന് സംഭവത്തില്‍ നാല് വിദ്യാര്‍ത്ഥികള്‍ക്ക് പരിക്കേറ്റു. സംഘര്‍ഷത്തില്‍ പരുക്കേറ്റ നാലു വിദ്യാര്‍ത്ഥികള്‍ ജനറല്‍ ആശുപത്രിയില്‍ ചികിത്സയിലാണ്. ഫ്‌ലക്‌സ് ബോര്‍ഡുകള്‍ സ്ഥാപിക്കുന്നതിനെ ചൊല്ലിയുള്ള തര്‍ക്കമാണ് ഏറ്റുമുട്ടലില്‍ കലാശിച്ചത്. സംഭവ സ്ഥലത്ത് മ്യൂസിയം പൊലീസ് സ്ഥിതിഗതികള്‍ ഉടന്‍ നിയന്ത്രണവിധേയമാക്കി. അതേസമയം സംഭവത്തില്‍ ഇരു വിദ്യാര്‍ത്ഥി സംഘടനകളും പരാതി നല്‍കുമെന്ന് വ്യക്തമാക്കി.
