തിരുവനന്തപുരം : കോണ്‍ഗ്രസ് പ്രസിഡന്റ് സ്ഥാനത്തേക്ക് മത്സരിക്കുമെന്ന വാര്‍ത്ത നിഷേധിക്കാതെ ശശി തരൂര്‍ എംപി. മത്സരിക്കുമെന്നോ ഇല്ലെന്നോ ഇപ്പോള്‍ പറയില്ലെന്ന് തരൂര്‍ തിരുവനന്തപുരത്ത് വ്യക്തമാക്കി. മൂന്ന് ആഴ്ചയ്ക്കുശേഷം ഇതു സംബന്ധിച്ച് കൂടുതൽ വ്യക്തത ലഭിക്കും. മത്സരം പാര്‍ട്ടിയെ ശക്തിപ്പെടുത്തും. ഗാന്ധി കുടുംബത്തില്‍നിന്ന് ആരും മത്സരിക്കില്ലെന്ന് അവര്‍ തന്നെ പറഞ്ഞുകഴിഞ്ഞു. ഗാന്ധി കുടുംബത്തിനു പുറത്തുനിന്ന് ഒരാള്‍ പാര്‍ട്ടി പ്രസിഡന്റാകട്ടെയെന്നും ശശി തരൂര്‍ അഭിപ്രായപ്പെട്ടു.
കോൺഗ്രസ് പ്രസിഡന്റ് സ്ഥാനത്തേക്കു ഗാന്ധി കുടുംബത്തിനു പുറത്തുള്ളയാൾ സ്ഥാനാർഥിയായാൽ അദ്ദേഹത്തിനെതിരെ ജി 23 സംഘത്തിന്റെ പ്രതിനിധിയായി ശശി തരൂർ മത്സരിച്ചേക്കുമെന്നാണ് സൂചന. ഹൈക്കമാൻഡിന്റെ പ്രതിനിധി ജയിക്കുമെന്ന് ഉറപ്പാണെങ്കിലും കോൺഗ്രസ് േനരിടുന്ന പ്രശ്നങ്ങളും പരിഹാരമാർഗങ്ങളും പാർട്ടിക്കുള്ളിൽ ചർച്ചയാക്കാൻ മത്സരം അനിവാര്യമാണെന്നാണു സംഘത്തിന്റെ വിലയിരുത്തൽ.
