മുംബൈ: ബോളിവുഡ് നടനും തിരക്കഥാകൃത്തുമായ ശിവ് സുബ്രഹ്മണ്യം അന്തരിച്ചു. സമൂഹമാധ്യമത്തിലൂടെ സംവിധായകൻ ഹൻസൽ മേത്തയാണ് മരണവിവരം അറിയിച്ചത്. മരണകാരണം വ്യക്തമല്ല. സംസ്കാരം തിങ്കളാഴ്ച രാവിലെ 11ന് അന്ധേരിയിൽ നടത്തി. 2 സ്റ്റേറ്റ്സ്, മീനാക്ഷി സുന്ദരേശ്വർ, നെയിൽ പോളിഷ്, റോക്കി ഹാൻഡ്സം തുടങ്ങിയ ഒട്ടേറെ ചിത്രങ്ങളിൽ ശിവ് സുബ്രഹ്മണ്യം അഭിനയിച്ചു. 1989ൽ ഇറങ്ങിയ വിധു വിനോദ് ചോപ്ര ചിത്രം ‘പരിന്ദ’യ്ക്കാണ് ശിവ് ആദ്യമായി തിരക്കഥ ഒരുക്കിയത്. ഇതിന് ഒട്ടേറെ പുരസ്കാരങ്ങളും ലഭിച്ചു. എട്ടോളം ചിത്രങ്ങൾക്ക് ശിവ് സുബ്രഹ്മണ്യം തിരക്കഥ എഴുതി.
