കൊച്ചി : ഫോര്‍ട്ട് കൊച്ചിയിലെ കടയുടമയെ കൊന്ന കേസിലെ പ്രതി അലന്‍ പൊലീസ് പിടിയില്‍. അലനെ ലഹരി ചികില്‍സയ്ക്ക് െകാണ്ടുപോയതിന്‍റെ വൈരാഗ്യത്തിലായിരുന്നു കൊല. ഇന്നലെയാണ് ബിനോയ് സ്റ്റാന്‍ലിനെ നാട്ടുകാരനായ അലന്‍ കടയില്‍കയറിയാണ് കൊലപ്പെടുത്തിയത്. ലഹരിക്കടിമയായിരുന്ന അലനെ ബിനോയിയും ഭാര്യയും ഇടപെട്ട് മാസങ്ങള്‍ക്ക് മുന്‍പ് ലഹരിമുക്ത കേന്ദ്രത്തില്‍ ചികിത്സയ്ക്ക് കൊണ്ടുപോയിരുന്നു. സംസ്ഥാനത്തിന് പുറത്തെ കേന്ദ്രത്തിലായിരുന്ന അലന്‍ കഴിഞ്ഞ ഇടയ്ക്കാണ് നാട്ടില്‍ മടങ്ങിയെത്തിയത്. അന്ന് മുതല്‍ ബിനോയിയുമായി പലതവണ വാക്കുതര്‍ക്കമുണ്ടായി. ഇതിന്‍റെ തുടര്‍ച്ചയെന്ന രീതിയിലാണ് ഇന്നലെ ബിനോയിയുടെ കടയില്‍ അലന്‍ എത്തിയത്. ഇരുവരും ഏറെ നേരം സംസാരിച്ചു തൊട്ടുപിന്നാലെ പാന്‍റിനുള്ളില്‍ ഒളിപ്പിച്ച കത്തിഉപയോഗിച്ച് അലന്‍ ബിനോയിയെ ആക്രമിക്കുകയായിരുന്നു.
