തിരുവനന്തപുരം : സംസ്ഥാനത്ത് സ്വർണവിലയിൽ നേരിയ വർധന. ഇന്ന് ഗ്രാമിന് 35 രൂപ വർധിച്ചു. ഇതോടെ ഒരു ഗ്രാം സ്വർണത്തിന് വില 5400 രൂപയായി. ഒരു പവൻ സ്വർണത്തിന് വില 43,200 രൂപയുമായി. 18 കാരറ്റിന്റെ ഒരു ഗ്രാം സ്വർണത്തിന് വില 30 രൂപ വർധിച്ച് 4463 ൽ എത്തി. കഴിഞ്ഞ രണ്ടുമൂന്നു വർഷക്കാലമായി മരവിപ്പനുഭവപ്പെട്ടിരുന്ന സ്വർണ വ്യാപാര മേഖലയ്ക്ക് ഇത്തവണ ഉണർവ് ലഭിച്ചു. കഴിഞ്ഞ വർഷത്തേക്കാൾ 20 ശതമാനത്തോളം വ്യാപാരമാണ് ഇത്തവണ രേഖപ്പെടുത്തിയത്.
