കൊച്ചി: എംജി സർവകലാശാല കലോത്സവം സമാപിക്കാൻ ഒരുദിനം ശേഷിക്കെ കോളേജുകൾ അവസാനവട്ട പോരാട്ടത്തിൽ. നാലാംദിവസം അവസാനിക്കുമ്പോൾ 92 പോയിന്റുമായി എറണാകുളം സെന്റ്‌ തെരേസാസ്‌ കോളേജാണ് മുന്നിൽ. 50 പോയിന്റുമായി തേവര എസ്‌എച്ചും ആതിഥേയരായ മഹാരാജാസും രണ്ടാംസ്ഥാനത്തുണ്ട്‌.
മുപ്പത്‌ പോയിന്റുമായി തൃപ്പൂണിത്തുറ ആർഎൽവി കോളേജാണ് മൂന്നാംസ്ഥാനത്ത്‌. ചങ്ങനാശേരി എസ്‌ബി കോളേജ്‌ (23 പേയിന്റ്‌) നാലാമതും കാലടി ശ്രീശങ്കര കോളേജ്‌ (18 പോയിന്റ്‌) അഞ്ചാമതുമുണ്ട്‌. പ്രധാനവേദിയായ മഹാരാജാസ്‌ മെൻസ്‌ ഹോസ്‌റ്റൽ മൈതാനത്തും മഹാരാജാസിലെയും ലോ കോളേജിലെയും മറ്റുവേദികളിലും വൻ തിരക്കാണ്‌ ശനിയാഴ്‌ച അനുഭവപ്പെട്ടത്‌.
