കൽപറ്റ: വയനാട്‌ പടിഞ്ഞാറത്തറയിൽ വിദ്യാർഥിനിയെ തെരുവുനായ ആക്രമിച്ചു. മാടത്തുംപാറ ആദിവാസി കോളനിയിൽ സുരേഷിന്റെയും തങ്കയുടെയും മകൾ സുമിത്രയെയാണ് തെരുവുനായ ആക്രമിച്ചത്. മുഖത്തും തുടയിലും പരുക്കേറ്റ സുമിത്രയെ കൽപറ്റ ഗവ.ആശുപത്രിയിൽ പ്രവേശിപ്പിച്ചു. തരിയോട് ഗവ.ഹൈസ്ക്കൂളിലെ ഒൻപതാം ക്ലാസ് വിദ്യാർഥിനിയാണ് സുമിത്ര.ശനിയാഴ്ച വൈകിട്ടാണ് സംഭവം. സഹോദരിക്കൊപ്പം ആടിനെ അഴിക്കാൻ പോയപ്പോഴാണ് തെരുവുനായയുടെ ആക്രമണമുണ്ടായത്. കൽപറ്റയിലും പരിസരപ്രദേശങ്ങളിലുമായി കഴിഞ്ഞ രണ്ടു ദിവസമായി പത്തിലധികം പേരെയാണ് തെരുവുനായ ആക്രമിച്ചത്.
