തിരുവനന്തപുരം: കുളത്തില്‍ കുളിക്കാനിറങ്ങിയ വിദ്യാര്‍ത്ഥി മുങ്ങിമരിച്ചു. ആര്യനാട് മലയടിയിലാണ് സംഭവം. മലയടി നിരപ്പില്‍ വീട്ടില്‍ അക്ഷയ് (15) ആണ് മരിച്ചത്. വിതുര ഹയര്‍ സെക്കന്‍ഡറി സ്‌കൂളിലെ 10-ാം ക്ലാസ് വിദ്യാര്‍ത്ഥിയായിരുന്നു അക്ഷയ്. തൊഴിലുറപ്പ് പദ്ധതിയില്‍ നിര്‍മ്മിച്ച കുളത്തിലാണ് വിദ്യാര്‍ത്ഥി കുളിക്കാനിറങ്ങിയത്. രാവിലെ വീട്ടില്‍ നിന്നും കുളിയ്ക്കാന്‍ പോയതാണെന്ന് വീട്ടുകാര്‍ പറയുന്നു. അപകടം നടന്നയുടന്‍ അക്ഷയ് യെ വിതുര താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
