തിരുവനന്തപുരം : മുന്‍ എംഎല്‍എയും യൂത്ത് കോൺഗ്രസ് സംസ്ഥാന വൈസ് പ്രസിഡന്റുമായ കെ.എസ്.ശബരീനാഥന്റെ അറസ്റ്റ് നിയമവിരുദ്ധമായെന്ന് കെപിസിസി അധ്യക്ഷൻ കെ.സുധാകരൻ. ചെറുപ്പക്കാരായ നേതാക്കള്‍ക്കെതിരായ സിപിഎമ്മിന്റെ നീക്കം നേരിടും. സിപിഎമ്മിന്റേത് പടുവിഡ്ഢിത്തമാണ്. അറസ്റ്റിനെ പേടിയില്ല, നിയമപരമായി നേരിടുമെന്നും സുധാകരന്‍ പറഞ്ഞു.
‘കോടതിയെ തെറ്റിദ്ധരിപ്പിച്ചുകൊണ്ടാണ് അറസ്റ്റ്. അറസ്റ്റിനെ പേടിയൊന്നുമില്ല. അറസ്റ്റ് എടുത്തുകളയാൻ ധാരാളം മാർഗങ്ങളുണ്ട്. നിയമത്തെ ദുർവ്യാഖ്യാനം ചെയ്തും അധികാരത്തെ പക്ഷപാതപരമായി ഉപയോഗപ്പെടുത്തിയും ഞങ്ങളെയും ചെറുപ്പക്കാരെയും തകർക്കാൻ സിപിഎം ശ്രമിക്കേണ്ട. അതു പടുവിഡ്ഢിത്തമാണ്’– അദ്ദേഹം പറഞ്ഞു. മുഖ്യമന്ത്രി പിണറായി വിജയനെതിരെ യൂത്ത് കോൺഗ്രസ് പ്രവർത്തകർ വിമാനത്തിൽ പ്രതിഷേധം നടത്തിയ കേസിൽ ശബരീനാഥിനെ ചൊവ്വാഴ്ച രാവിലെയാണ് അറസ്റ്റ് ചെയ്തത്. ഗൂഢാലോചന നടത്തിയെന്നു കാട്ടിയാണ് അറസ്റ്റ്.
