കൊച്ചി: എറണാകുളം -അങ്കമാലി അതിരൂപതയിൽ ഏകീകൃത കുർബാന നടപ്പാക്കണമെന്ന് മേജർ ആർച്ച് ബിഷപ്പ് റാഫേൽ തട്ടിൽ. ഇടവകകളിൽ വിഭാഗീയത വളരുന്നത് അനുവദിക്കില്ലെന്ന് മേജര്‍ ആര്‍ച്ച് ബിഷപ്പ് മുന്നറിയിപ്പ് നൽകി. വ്യാഴാഴ്ചക്കകം ഏകീകൃത കുര്‍ബാന നടപ്പാക്കാനുള്ള നടപടി സ്വീകരിക്കാൻ അഡ്മിനിസ്ട്രേറ്റർക്ക് നിർദേശം നൽകി. അടുത്ത മാസം കർമ പദ്ധതി വത്തിക്കാനു സമർപ്പിക്കണം. അനുകൂലിക്കാത്ത വൈദികർക്കെതിരെ നടപടി സ്വീകരിക്കും. അവസാനശ്രമമെന്ന രീതിയിലുള്ള ഇടപെടലെന്നും മേജർ ആർച്ച് ബിഷപ്പ് വ്യക്തമാക്കി.
