കോട്ടയം> തിരുവിതാംകൂർ ദേവസ്വം ബോർഡ്‌ മുൻ പ്രസിഡന്റ് ടി രാമൻ ഭട്ടതിരിപ്പാട്‌ (78) അന്തരിച്ചു. അയ്‌മനം പഞ്ചായത്ത്‌ മുൻ പ്രസിഡന്റ്, കുടമാളൂർ കലാകേന്ദ്ര സ്ഥാപക പ്രസിഡന്റ് എന്നീ നിലകളിൽ പ്രവർത്തിച്ചു. ഏറ്റുമാനൂർ നിയമസഭാ മണ്ഡലത്തിൽ എൽഡിഎഫ്‌ സ്വതന്ത്ര സ്ഥാനാർഥിയായി മത്സരിച്ചിട്ടുണ്ട്‌.
ഈ ഘട്ടത്തിൽ കുടമാളൂരിലായിരുന്നു താമസം. 15 വർഷത്തോളമായി തൃശൂരിലാണ്‌. തൃശൂർ അമല ആശുപത്രിയിൽ ചികിത്സയിരിക്കെ ഞായർ രാവിലെ ഒമ്പതോടെയായിരുന്നു അന്ത്യം. മൃതദേഹം വടക്കാഞ്ചേരി എരുമപ്പെട്ടി തെക്കേടത്ത്‌ മനയിൽ എത്തിക്കും.
