മുംബൈ: ബോളിവുഡിലെ ഏറ്റവും ക്രോണിക് ബാച്ചിലര് ആരാണ്. സംശയം ഒന്നുമില്ല സല്മാന് ഖാന് തന്നെ. വിവാഹം എന്ന് നടക്കും എന്ന് 57 കാരനായ താരം ചോദ്യം നേരിടാന് തുടങ്ങിയിട്ട് തന്നെ പതിറ്റാണ്ടുകളായി. സല്മാന്റെ നീണ്ട പ്രണയ കഥകള് ഇന്നും ഗോസിപ്പ് കോളങ്ങളില് നിറയാറുണ്ട്. അതില് ഐശ്വര്യ റായി മുതല് കത്രീന കൈഫുവരെയുണ്ട്. എന്നാല് മറ്റൊരു ബോളിവുഡ് സുന്ദരിയെ സല്മാന് വിവാഹം ആലോചിച്ചിരുന്നു. അത് മറ്റാരും അല്ല ജൂഹി ചൗളയായിരുന്നു. സല്മാന് തന്റെ കരിയറിന്റെ തുടക്കത്തില് 90 കളുടെ ആദ്യത്തില് നല്കിയ ഒരു അഭിമുഖത്തിന്റെ ഭാഗങ്ങളാണ് ഇപ്പോള് സോഷ്യല് മീഡിയയില് വൈറലാകുന്നത്. ജൂഹി ചൌളയെ ഇഷ്ടമായിരുന്നുവെന്നും അവരുടെ അച്ഛനോട് തനിക്ക് ജൂഹിയെ വിവാഹം കഴിക്കണം എന്ന് പറഞ്ഞിരുന്നതായും സല്മാന് അഭിമുഖത്തില് പറയുന്നു.
എന്താണ് അന്ന് മറുപടി കിട്ടിയതെന്നും സല്മാന് വ്യക്തമാക്കുന്നുണ്ട്. ഒപ്പം അഭിനയിച്ച അല്ലെങ്കില് സമകാലികരായ നടിമാരെക്കുറിച്ചുള്ള ചോദ്യത്തില് ജൂഹിയെക്കുറിച്ച് അഭിമുഖം നടത്തുന്ന വ്യക്തിയുടെ ചോദ്യത്തിനാണ് സല്മാന് മറുപടി നല്കിയത്. “വളരെ സ്വീറ്റായ ഒരു പെണ്കുട്ടിയാണ് ജൂഹി, എനിക്ക് ആരാധനയുള്ള വ്യക്തിയാണ്. ജൂഹിയെ എനിക്ക് വിവാഹം കഴിച്ച് തരമോ എന്ന് ഞാൻ അവളുടെ അച്ഛനോട് ചോദിച്ചു. എന്നാല് അദ്ദേഹം അത് നിരസിച്ചു”. എന്തുകൊണ്ടാണ് ജൂഹിയുടെ പിതാവ് തന്റെ ആലോചന തള്ളിയത് എന്ന് സല്മാന് വ്യക്തമല്ല. അത് സല്മാന് തുടര്ന്ന് പങ്കുവയ്ക്കുന്നു. “ഒരുപക്ഷേ ഞാൻ അവര്ക്ക് യോജിക്കുന്നില്ലെന്ന തോന്നല് ആകാം. അദ്ദേഹം (ജൂഹിയുടെ പിതാവ്) എന്താണ് ആഗ്രഹിക്കുന്നതെന്ന് എനിക്ക് അറിയില്ലല്ലോ”.1995 ഡിസംബറിൽ ജൂഹി ചൗള ജയ് മേത്തയെ വിവാഹം കഴിച്ചു. അവർക്ക് രണ്ട് കുട്ടികളുണ്ട്, ജാഹ്നവി മേത്ത , അർജുൻ മേത്ത. ബിസിനസുകാരനായ ജയ് മേത്ത. ഐപിഎല് ടീം കൊല്ക്കത്ത നൈറ്റ് റൈഡേര്സില് അടക്കം പങ്കാളിയാണ്. “ജയ് എന്റെ ഏറ്റവും നല്ല സുഹൃത്താണെന്ന് എനിക്കറിയാം. എന്റെ എന്ത് ആവശ്യത്തിനും അദ്ദേഹത്തെ സമീപിക്കാം.എന്റെ മുടി ശരിയാക്കാന് വരെ അദ്ദേഹം സഹായിക്കും. ചില കാര്യങ്ങളില് ഒരു തീരുമാനം എടുക്കാന് കഴിയാതെ വരുമ്പോള് അദ്ദേഹം അതില് ദീര്ഘവീക്ഷണത്തോടെ തന്റെ അഭിപ്രായം പറയാറുണ്ട്” – മുന്പ് ഭര്ത്താവിനെക്കുറിച്ച് ജൂഹി എഴുതിയത് ഇങ്ങനെയായിരുന്നു.
