ലക്നൗ: ലക്നൗവിൽ ഉടമയെ കടിച്ചുകൊന്ന പിറ്റ് ബുൾ (Pit Bull) നായ ഇനി പുതിയ യജമാനനൊപ്പം. ലക്നൗ നഗരസഭ, നായയെ പുതിയ ഉടമയ്ക്ക് കൈമാറി. ലക്നൗ നഗരസഭയ്ക്ക് കീഴിലെ വന്ധ്യംകരണ കേന്ദ്രത്തിൽ നിരീക്ഷണത്തിലായിരുന്നു നായ. നായ ശാന്തനായാണ് പെരുമാറുന്നതെന്ന് അധികൃതർ അറിയിച്ചു.
പിറ്റ്ബുളിനെ നിലവിലെ ഉടമയ്ക്ക് കൈമാറില്ലെന്ന് നേരത്തെ നഗരസഭ വ്യക്തമാക്കിയിരുന്നു. ഇതേത്തുടർന്ന് നായപ്രേമികളും സംഘടനകളും പിറ്റ്ബുള്ളിനെ ഏറ്റെടുക്കാൻ രംഗത്ത് വന്നിരുന്നു. ഇവരിൽ ഒരാൾക്കാണ് നായയെ കൈമാറിയത്. ജൂലൈ പന്ത്രണ്ടിനാണ് എൺപത്തിരണ്ടുകാരിയായ ഉടമയെ പിറ്റ്ബുൾ കടിച്ചുകൊന്നത്.
