ചെന്നൈ: എം എസ് ധോണിയെക്കാള്‍ വലിയൊരു ക്രിക്കറ്റ് താരഇന്ത്യയിലില്ലെന്ന് മുന്‍ ഇന്ത്യന്‍ താരം ഹര്‍ഭജന്‍ സിംഗ്. ഇന്ത്യയിലെ ഏറ്റവും വലിയ ക്രിക്കറ്റ് താരം ധോണി മാത്രമാണെന്നും ഹര്‍ഭജന്‍ പറഞ്ഞു. ഇന്ത്യയില്‍ ധോണിയെക്കാള്‍ വലിയൊരു ക്രിക്കറ്റ് താരമില്ല. ഒരുപക്ഷെ അദ്ദേഹത്തെക്കാള്‍ റണ്‍സടിച്ചവരും വിക്കറ്റ് നേടിയവരുമെല്ലാം ഉണ്ടാകും. എന്നാല്‍ ആരാധക പിന്തുണയില്‍ ധോണിയെ മറികടക്കാന്‍ മറ്റാര്‍ക്കുമാവില്ലെന്നും ഹര്‍ഭജന്‍ പറഞ്ഞു.
ആരാധകര്‍ നല്‍കുന്ന ഈ പിന്തുണ ധോണി ഹൃദയത്തില്‍ സ്വീകരിക്കുന്നു. അതുകൊണ്ടുതന്നെ അദ്ദേഹം സഹതാരങ്ങളോട് എല്ലായ്‌പ്പോഴും ആദരവോടെ പെരുമാറുന്നു. കഴിഞ്ഞ 15 വര്‍ഷമായി ക്രിക്കറ്റിനെ അത്രത്തോളം സ്‌നേഹത്തോടെയും വികാരത്തോടെയുമാണ് ധോണി സമീപിക്കുന്നത്. അതുകൊണ്ടുതന്നെ അദ്ദേഹത്തോട് ആരാധകര്‍ക്ക് ഭ്രാന്തമായ ആരാധന തോന്നുന്നതെന്നും ഹര്‍ഭജന്‍ പറഞ്ഞു.
