തിരുവല്ല: എംസി റോഡിലെ പെരുംതുരുത്തിയിൽ ടിപ്പർ ലോറിയിൽ കാറിടിച്ചുണ്ടായ അപകടത്തിൽ മൂന്ന് പേർക്ക് പരിക്കേറ്റു. പെരുംതുരുത്തി പെട്രോൾ പമ്പിന് സമീപം ബുധനാഴ്ച രാത്രി പത്തേകാലോടെ ആയിരുന്നു അപകടം. തിരുവല്ലയിലെ സ്വകാര്യ ആശുപത്രിയിലെ ഡോക്ടർമാരായ ഡോ. ജോ, ഡോ. ജോഷി, ഡോ. റെനീഷ് എന്നിവർക്കാണ് പരിക്കേറ്റത്. അപകടത്തിൽ സാരമായി പരിക്കേറ്റ മൂവരെയും തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിപ്പെട്ട കാറിന്‍റെ മുൻവശം പൂർണമായും തകർന്നു.
